Грамматически, смысл сьöрті оформитöм, кык или унажык кыв йитсьöм шусьö кывтэчасöн. Подчинительнöй йитсьöм коста с/с кыввез лоöны неравноправнöйöсь, 3 вид: согласованнее, управленне, примыканне. Примыканне – подчинительнöй йитсьöмлöн вид, кöр зависимöй кылыс не оз согласуйтчы, не оз управляйтчы, а йитсьö сыкöт смысл да кыввез порядокöн: бура уджавны, муніс перыта. Примыканне коста зависимöй кыв лоö невежласяна: инфинитив, наречие, деепричастие, несклоняемöй прилагательнöйез (öддьöн кокнита, СА сьöд, одз пемдіс).