Глагол – этö серни тор, кöда мычалö действие да состоянне, отвечайтö вопрос вылö мый керны?
Глаголöн категорияэз: кад, число, наклоненне, лицо, спряженне, вид, залог, переходность и непереходность. Лексическöй состав сьöртi глагол паськыт:
- активнöй действиелöн мунöм (уджалö, тышкасьö);
- перемещенне, движенне (котöртны, мунны);
- мортлiсь, ловья существоэзлiсь мычалöм (видзöтны, лолавны);
- мортлöн переживаннеэз (радейтны, горзыны).
Наклоненне – глаголöн грамматическöй категория, кöда мычалö действиелiсь или состояннелiсь действительность дынö отношенне:
1) Изъявительнöй (мычалö действие, кöда мунiс, мунö, мунöма. Мычалö действиелiсь реальность или нереальность быдкодь кадö). Например: ме сiйö тöда бура или ме сiйö ог тöд.
2) Повелительнöй (мычалö корöм, тшöктöм приказ). Аркмöны синтетическöй да аналитическöй формаöн. Синтетическöй – мун (2 л., ед.число, полож., повелит.).
Аналитическöй – частицаэз отсöтöн «мед», «ась» (мед мунас, ась оз пуксьы). Часто сернианым петö роч частица «давай» (давай лок).
3) Условнöй (дейстиве, кöда вермö или вермас мунны определенöй действие дырни). Частожык аркмö син одзын чулалан кадын и частица «бы» отсöтöн, вермö петны аналитическöя (вöлi гижö бы).
4) Желательнöй (кытшöмкö желаннее, предложенне).
