Морфемика – велöтö кывлiсь минимально-значимöй торрез: морфемаэз, нылiсь формаэз да семантическöй свойствоэз, формаэз, типпез, правилоэз öтамöдкöт йитсьöм.
Морфема – кывлöн медучöт одзлань неразложеннöй значимöй тор, быд морфема нуöтö определенöй смысл. Морфемаэз эмöсь продуктивнöйöсь, непродуктивнöйöсь и обязательнöйöсь (корень) и необязательнöйöсь.
Словообразованне – языкознаннелöн раздел, кöда сулалö кык торись: морфемика и деривация.
Деривация – кытшöм способöн аркмöны производнöй кыввез, кытшöм особенностьöн аркмöны серни торрез.
Быд морфемаыс обозначайтö определенöй значенне. Например: пызаноккезнымлöн. Пызан – стол, ок- маленький, (к)ез- предмет мн.числоын, ным- предмет принадлежитö миянлö, лöн – обозначайтö род.падеж.
Асланыс роль сьöртi да позиция сьöртi морфемаэз делитчöны кык тор вылö: грамматическöй да лексическöйез вылö. Грамматическöй – аффиксальнöй морфемаэз, лексическöй – корневöй морфема.
Корень – центарьнöй морфема, кöда эм быд кылын и видзö кывлiсь лексическöй значенне (кыным корень сьöртi делитчöны сложнöй да простöйез вылö).
Аффиксэз – этö быдöс значимöй торрез кывлöн (кореньтöг), нiя отслаöны уточняйтны лексическöй значенне кывлiсь и йитсьыны кыввезлö серникузяын.
Суффикс – значимöй тор, сулалö корень бöрсянь, аркмöтö виль значенне кывлiсь да сетö виль оттенок. Суффикссэз торйöтсьöны куим группа вылö:
- словообр-öсь (кöдна аркмöтöны кыввезлiсь виль лекс.значенне, нiя пыр вуджöтöны öтiк серни торсö мöдiк вылö вöр-вöравны).
- формообр-öсь (аркмöтöны кывлiсь виль форма, сетöны кывлö смысловöй оттенок куркуок, басöккодь, юышт).
- словоизмен-öсь (кöдна пыр торйöтöны быдкодь формаэз öтiк и сiя жö кывлiсь, нiя мычалöны серниын кыввезлiсь йитсьöм туйез, вöрöдз, шонытöсь, гижис).
Префикс (приставка) – кывлöн значимöй тор, кöда сулалö корень одзын, к-п кылын кык приставка мед- и не-.
Мед – образуйтö формаэз превлсходнöй степенисись.
Не – локтiсь роч кылiсь.
Основа – кывлöн тор, кöда кольччö словоизменительнöй суффикссэз убирайтöм бöрсянь. Основа овлö производнöйöн ( видзö корень да формообр.суф. вöриньöй) и непроизводнйöн (основа = корень киö).
