К-п кылын, да и мöдiк кыввезын, кыввез грамматическöй свойствоэз сьöртi йитсьöны разряддэзö (классэзö), кöднö шуöны серни торрезöн. Серни торрез – этö общöй грамматическöй категорияэз, кöдна выражайтöны общöй грамматическöй значеннеэз, кöдна аркмисö морт абстрактнöй мышленне увья.
Серни торрез выделяйтiкö сувчöны куим принцип вылын:
1) грамматическöй значенне учитывайтöм (сущ.-предмет, прил.-признак, глагол-процесс).
2) морфологическöй признак учитывайтöм (кыдз аркмöны да вежласьöны).
3) синтаксическöй признак учитывайтöм (склоняемöй сущ.-дополненне, спрягаемöй гл.-сказуемöй).
Быдöс кыввез объективнöй признаккез сьöртi аркмöтöны группаэз, серни торрез. Серни торрез овлöны самостоятельнöйöсь (сущ., гл., прил., нареч., мест., числит.) да служебнöйöсь (послелог, частица, союз). Торья группаэзö выделяйтöны междометие, модальнöй кыввез да изобразит.кыввез.
Серни торрез овлöны вежласянаöсь да невежласянаöсь. Если видзö словоизм.суф., то вежласяна, еже лоз, то невежласяна (дееприч., причаст., инфинитив).
Серни торрез коласын туйö не пыр нуöтны граница. Кыввез öтiк группаись вермöны вуджны мöдiкö. Сы сьöртi, кытшöм места видзö места предложеннеын, кытшöм значенне сiя пондö босьны, зависитö серни тор (сьöкыт ноша, меным сьöкыт, сьöкыт).
Категориально-недифференцированнй кыввез: ва паськöм, кайöтны ва, гöр му, кыскö вöв гöр. Сэтшöм кыввез коласын эм матын семантическöй признак. Нiя петiсö öтiк кыв источникись. Кыввезын порядок орсö значимöй роль, нылöн значенне зависитö порядоксянь. Грамматическöй оформленне петö контекстын. Категориаль.-недифферен.кыввез не соравны омониммезкöт. Унажык сэтшöм кыввез коласö пырöны вещественöй значеннеа сущ-эз, качествен.прилаг. и безличнöй предикативнöй кыввез. Категор.-недифференц. озö лоö кыввез сущест-эз, кöр нiя сулалöны определяемöй кыв одзын (порсь кок).
