Грамматика – отдел языкознаннелöн, велöтö кывлiсь вешшöм да кывлiсь сочетаннеэз серникузяын, либо мöдкодя шуны велöтö «формаэз кывлiсь». Кывлöн формаэз öддьöн уна. Например, кывлöн формаэз склоненнеын: баля, балялö, балякöт. Или спряженне дырни: гижа, гажан, гижö.
Грамматика велöтö продуктивнöй суффиксэз, но оз велöт непродуктивнöй суффикссэз, кöдна оз нуöтö смысловöй нагрузка современнöй кылын (кизьöр, тöлiсь, черань), кытöн кыкöт торыс лоö мертвöй суффиксöн. Этöн уже занимайтчö этимологическöй да историческöй словаррез.
Грамматика торьяссьö 3 тор вылö:
- морфология (велöтö кывлiсь формаэз);
- синтаксис (велöтö кыв формаэзлiсь сочетаннеэз).
- словообразованне.
Быд кылыс серникузяын видзö не только лексическöй значенне, но грамматическöй значеннеэз. Например: Кöкö вöрын кöк. Куимнан кылыс видзöны лексическöй и грамматическöй значеннеэз. Кöк – мычалö предмет, предметыс неопределеннöй, сiя некинлö оз принадлежит, предмет öтiк и лоö действующöй лицоöн. Кöкö – мычалö определеннöй действие, этö лексическöй значеннеыс, а грамматическöйыс лоö, что действиеыс совершайтчö öнi, в момент речи, керсьö öтiк лицоöн, куимöт лицоöн.
Единство грамматическöй значеннелöн и способ сiя выраженнелöн лоö грамматическöй формаöн. Например: вöр, вöрын, вöрö, вöрлань, лоöны разнöй грамматическöй формаэзöн кылыслöн. И быд кылыс видзö разнöй грамматическöй значенне.
Грамматическöй категория – этö ряд формаэзлöн, йитöмась öтiк грамматическöй значенне отсöтöн или однороднöй грамматическöй значеннеэз отсöтöн.
Например: Сiя вöлi гортас и сiя гижис. Кыввез вöлi и гижис лоöны разнöй формаэзöн, но видзöны öтiк грамматическöй категория – 3 лицо, ед.число, син одзын чулалöм кад. Грамматическöй категория лоö 3 л., ед.число.
Грамматическöй категория падежлöн существительнöйлöн – этö совокупность значеннеэзлöн отношеннеэзын существительнöйыслöн мöдiк кыввезкöт суффикссэз отсöтöн. Например: пызан , пызанöдз, пызантöг, пызанiсь.
Ежели абу специальнöй грамматическöй показатель, то и оз туй адззыны грамматическöй категория. Совокупность грамматическöй категроияэзлöн составляйтö кывлiсь грамматическöй строй.
